Шел денеска предвиде дека Европа ќе се натпреварува за „ограничени нови количини“ на течен природен гас (ЛНГ) во следните две години.
Според енергетскиот гигант, оваа нова динамика на пазарот „ќе доминира во трговијата со ЛНГ на долг рок“, пренесува Teletrader.
Увозот на ЛНГ во Европа скокна за 60 отсто во 2022 година, откако беше санкциониран рускиот гас, а Европа успеа да обезбеди доволно гас делумно благодарение на падот на побарувачката во Кина, рече Шел.
„Поради ограничувањата на рускиот гасовод, ЛНГ станува сè поважен столб на европската енергетска безбедност, поддржан од брзиот развој на нови терминали за регасификација во северозападна Европа. Спротивно на тоа, Кина се движи од брзорастечки пазар кон пофлексибилна улога со зголемени можности за балансирање на глобалниот пазар на ЛНГ“, наведуваат од Шел и додаваат дека ќе бидат неопходни нови инвестиции во проекти за втечнување на гас „за да се избегне недостигот на снабдување што се очекува на крајот на 2020-тите“.
