Државата денеска се задолжи со нови 132 милиони евра од домашните банки, осигурителни друштва, компании и физички лица.
Станува збор за аукции на 12-месечни државни записи без девизна клаузула и 2-годишни државни обврзници без девизна клаузула.
Атрктивната каматна стапка од 5,25 % на 2-годишните државни обврзници без девизна клаузула го зголеми интересот на домашните банки кои учествуваа со 97,88 %.
Планираниот износ на задолжување на Министерството за финансии на оваа аукција изнесуваше 3.500.000.000 денари, но износот на задолжување достигна 8.150.300.000 денари или државата се задолжи за 75 милиони евра повеќе од планираното.