Честата употреба на антибиотици може да резултира со зголемени шанси за развој на инфламаторни заболувања на цревата, како што се Кронова болест или улцеративен колитис, за речиси 50 отсто кај луѓето над 40 години, според една нова данска студија.
Истражувачите ја следеа здравствената состојба на повеќе од шест милиони жители на Данска во период од десет години и открија дека употребата на антибиотици кај мнозинството е поврзана со зголемен ризик од развој на воспалителни болести на цревата.
Студијата сугерира дека ефектот е кумулативен.
Сите возрасни групи се подложни на развој на воспаление, особено оние над 40 години.
Научниците исто така забележале дека ефектот од земање антибиотици е видлив кај сите возрасни групи, а особено склони кон тоа се луѓето над 40 години.
Ако припаѓате на возрасната група помеѓу 40 и 60 години и често сте земале антибиотици во последните пет години, изложени сте на 48 отсто поголем ризик од развој на воспалителна болест на цревата, според данските истражувачи.
Деведесет проценти од учесниците во студијата примиле антибиотици како дел од истражувањето.
Истражувачите последователно забележале 36.000 случаи на улцеративен колитис и скоро 17.000 нови случаи на Кронова болест.
Студијата покажа дека земањето антибиотици е поврзано со поголем ризик од развој на воспалителна болест на цревата кај постарите возрасни во споредба со помладите луѓе. Во исто време, забележавме зголемен ризик од развој на воспалителни болести на цревата четири до пет години по изложувањето на антибиотици и по употребата на група антибиотици кои често се користат за лекување на гастроинтестинални патогени, објавија научниците во стручното списание „Gut“.
Тие објаснија дека земањето антибиотици може да предизвика трајни промени во микробната средина, што на крајот придонесува за развој на воспалителни болести на цревата.
Прехрамбени бои и воспалителни болести на цревата
Една неодамнешна студија покажа дека популарната прехранбена боја Allura Red AC, која се користи за подобрување на бојата и текстурата на безалкохолните пијалоци и слатките, може да го наруши функционирањето на цревната бариера и да го зголеми ризикот од развој на воспалителна болест на цревата.
Боите за храна го зголемуваат количеството на серотонин и можат да влијаат на промената во составот на цревната микробиота, што ги прави луѓето поподложни на воспалителни болести на цревата.
Професорот Валиул Кан од британскиот универзитет Мекмастер вели дека откритието на данските научници „е важен чекор напред што треба да ја сензибилизира јавноста за потенцијалната штета што ја претставуваат прехранбените бои“.
Кан рече дека речиси половина милион луѓе во Обединетото Кралство страдаат од Кронова болест или колитис, а околу 10 милиони во светот.
