Град во Турција има повеќе од 500 замоци кои никогаш не биле населени.
Околу 200 милиони евра се инвестирани во луксузниот град во Турција меѓу Анкара и Истанбул наречен Бурџ Ал Бабас. Изградени се околу 587 замоци каде треба да живеат најбогатите луѓе. Овој град привлекува големо внимание бидејќи е целосно напуштен.
Изградбата на овој град започна во 2014 година. Секоја изградена вила вреди околу половина милион долари, а жителите требало да уживаат во турски бањи, базени, теретани, кина… Меѓутоа, проектот никогаш не заживеа. Градот Бурџ Ал Бабас стана „град на духови“, а дворците изгледаат како да се од цртан филм на Дизни. Како што минуваат годините, градот во кој никој никогаш не живеел се повеќе пропаѓа.
Во градот има стотици идентични вили, кои се опкружени со ридови. Ниту една од нив не е целосно завршена. Однадвор се чини дека речиси секоја е завршена, но внатре секоја вила е всушност градилиште. Се работеше само грубо, но во некои куќи дури и подовите не беа целосно излеани.
Кога почна изградбата, ниту една куќа не беше продадена. Нема информации дали тоа се должи на кризата со недвижностите или затоа што никој не бил заинтересиран да живее во град во кој секоја куќа изгледа идентично. Во спротивно, наводно постои можност да се продолжи со изградбата на градот.
Во градот има трговски центар, а предвидено е да се изградат терени за голф и џамија. Во градот требало да се изградат дури 732 замоци, а во трговскиот центар била планирана изградба на џиновска фонтана, но од се има само скелет.
