Добрата новогодишна забава обично е проследена со тежок ден исполнет со главоболки, гадење, сува уста, замор, а некои луѓе се дури и анксиозни.
Постојат многу начини за борба против мамурлакот, но ако знаеме дека подобро е да се спречи отколку да се лечи, прашањето е дали може некако да се спречи мамурлакот?
Се разбира, можете да не пиете, но за многу луѓе забавата не е забава без алкохол.
Дури и ако сте многу умерени, веројатно нема да поминете без мамурлак, па затоа е добро да знаете дека постојат трикови со кои можете да го спречите тоа.
Како да спречите мамурлак
Јадете масна храна
Храната, особено масната, ја одложува апсорпцијата на алкохолот во организмот, велат лекарите. И одложувањето на апсорпцијата на алкохол е добар чекор кон избегнување на мамурлакот. Затоа, на пример, пред излегување, добро е да изедете парче авокадо кое е богато со здрави масти.
Јадете храна богата со растителни влакна
Храната богата со растителни влакна, како што се никулците, леќата и пуканките, го разградуваат алкохолот и го апсорбираат, спречувајќи го толку брзо да навлезе во крвотокот.
Зголемете ја дозата на витамин Ц
Витаминот Ц штити од настинки и симптоми на мамурлак, па затоа пред излегување, на пример, добро е да пиете лимонада.
Избегнувајте темни пијалоци
Конгенерите се соединенија кои им даваат вкус и боја на алкохолните пијалоци. Сите видови на алкохол ги содржат овие состојки, но темните алкохоли, вклучувајќи црвено вино и виски, генерално имаат повеќе од нив отколку посветлите. Тие можат да предизвикаат воспалителен одговор кој ги поттикнува симптомите на мамурлак, а многумина се претвораат во токсични алдехиди додека ги варите следниот ден. Одлучете се за алкохол со посветла боја кој е високо филтриран.
Држете се до еден вид пијалок
На тој начин, можете подобро да следите колку пиете и помали се шансите да го вознемирите вашиот желудник.
Избегнувајте меурчиња
Истражувањата покажаа дека присуството на меурчиња – или во газиран пијалок како шампањ или во алкохолен пијалок измешан со тоник вода – може да ја забрза апсорпцијата на алкохол. Карбонизацијата може да предизвика проширување на површината на желудникот, што доведува до зголемена апсорпција на алкохол (и поголема веројатност за главоболка следното утро).
Пијте алкохол наизменично со вода
Водата во текот на вечерата е добар начин да се спречи мамурлакот. Прво, го одржува нивото на хидратација, што е клучно за спречување на мамурлакот, бидејќи алкохолот го дехидрира телото. И второ, ќе го разреди ефектот на алкохолот.
А што треба да правите кога веќе сте се напиле?
Пијте многу вода
Сфатете го тоа како циклус на испирање. Алкохолот е диуретик, што значи дека предизвикува вашето тело побрзо да ги исфрла течностите, што доведува до тешка дехидрација. Затоа треба да пиете повеќе вода од вообичаено.
Пијте овошни сокови
Постојат докази дека фруктозата – шеќерот во овошјето – го согорува алкохолот. Фруктозата го зголемува нивото на шеќер во крвта, што го намалува алкохолот. Но, бидете внимателни, за да не поттикнете нагли промени на шеќерот во крвта.
Јадете јаглехидрати
Тост или крекери помагаат при мамурлакот. Имено, едноставните јаглехидрати помагаат во апсорпција на алкохолот кој останува во желудникот, обезбедуваат шеќер и се борат против мачнините.
Земете една лажица мед
Добар начин за борба против ниската гликоза предизвикана од алкохол е да појадувате со парче тост и лажица мед.
Јадете јајца
Јајцата се богати со хранливи материи и содржат Н-ацетил-цистеин, кој може да помогне во чистење на црниот дроб од штетните слободни радикали.
Земете некој лек за главоболка
Нестероиден антиинфламаторен лек, како што е ибупрофен, ќе ја ублажи главоболката без да го вознемири желудникот. Сепак, не претерувајте со лековите бидејќи во комбинација со алкохол можат штетно да делуваат на црниот дроб.
Вежбајте
Слушајте го вашето тело: Ако мамурлакот ве уништил, дефинитивно не е време за вежбање, но ако можете, запомнете дека доброто потење помага да се ослободите од мамурлакот. Умереното вежбање ја зголемува циркулацијата и го зајакнува метаболизмот и може да помогне да се ослободи телото од токсините, пишува порталот Real Simple.
