Роберт Дејсер, ги дизајнирал овие преубави, рачно изработени светилки, кои прават оргинални светлосни ефекти.
Според зборовите на дизајнерот, светилките се направени од „Gourd“- неверојатно егзотично овошје од родот на тиква, со потекло од Африка, кое многу рано се проширило низ светот со помош на човечката миграција. Дизајнот на секоја светилка се постигнува после внимателно одбирање на суви овошја и правење дупки во нив.
Секоја светилка има неколку илјадници перфорации со различен дијаметар, кои овозможуваат светлината да сјае низ ламбата и да го пренесе сјајот на околните ѕидови. Секоја светилка е единствена бидејќи обликот, најпрво, е креиран во природа и нивниот дизајн е секогаш различен.