Индонезиец се ожени со готвач за ориз: Сопругата од соништата на Анам – тивка, послушна, знае да готви и што е најважно не зборува многу!

Сто луѓе, сто чуда…ама само една невеста во вид на готвач за ориз! Барем колку што е познато, ваков откачен случај досега не е забележан, се до еден Коирул Анам од Јава, Индонезија кој реши да застане на лудиот камен и сопруга да му биде омилениот готвач!

И организираше се како по стандарди! Овој свечен момент не можеше да помине без свадбена церемонија и соодветна облека. Анам, всушност, беше облечен во традиционален бел венчален костум, додека неговата електрична невеста имаше закачен бел превез.

На венчавката следуваше и бакнеж, изгледа дека во тој момент навистина делуваа емоциите, а Анам на социјалните мрежи објави и пофалби за „сопругата од соништата“. Заедно со сликите на Фејсбук остави опис соп следнава содржина: „Тивка, послушна, не зборува многу, знае да готви“.

Сепак, по само четири дена Анам објави дека се разведува, велејќи дека тоа е „тешка“ одлука, притоа признавајќи дека за него не постои совршен партнер.