„Huawei Mate 50 Pro“ беше лансиран во Кина на почетокот на овој месец, а сега е и официјално најавен за светскиот пазар.
Телефонот е украсен со голем дисплеј со исечок за селфи камера, главна камера од 50 MP на задната страна со технологија „XMAGE“ и променлива решетка.
„Huawei Mate 50 Pro“ се напојува со чипсет Snapdragon 8+ Gen 1, но без поддршка за 5G способности (поради санкциите наметнати од САД). Од истата причина, нема заштита од „Gorilla Glass“, па „Huawei“ користи „Kunlun Glass“ преку 6,74-инчниот „OLED“ екран.
Екранот има резолуција од 2.616 x 1.212 пиксели и поддржува брзина на освежување до 120 Hz. Во исечокот има систем за препознавање лица и отклучување на уредот.
Има три камери на задната страна: главна камера од 50 MP со оптичка стабилизација на сликата и променлива решетка (f/1,4 до f/4,0), ултра-широка од 13 MP и телефото од 64 MP со зум од 200x.
„Mate 50 Pro“ во Кина користи сателитска комуникација, но ова нема да биде достапно на глобалниот модел бидејќи го користи протоколот „Beidou Satellite Message 3“. Друга разлика помеѓу кинескиот модел и глобалната верзија на телефонот е корисничкиот интерфејс „EMUI 13“ наместо „Harmony OS 3.0“.
Меѓународните пазари го добиваат „Huawei Mate 50 Pro“ во сребрена и црна боја. Достапни се 8 GB RAM и 256 GB простор за складирање податоци, по цена од 1.299 евра. Има и опција „Leather Orange“ со 8GB меморија и 512GB простор за складирање податоци, со цена од 1.399 евра.
Сè се напојува со батерија од 4.700 mAh, со поддршка за брзо полнење од 66 W, безжично полнење од 50 W и обратно безжично полнење од 5 W.
