Со цел промоција на постсезоната на будванската ривиера, Туристичката организација Будва од 25 до 29 август, во Белград, ќе организира низа интересни случувања во туристичко-информативното биро на Савската променада, под името „Будвански утра на Савската променада“.
Цените во хотелско сместување за периодот септември/октомври се за 30% пониски во однос на јули и август, a истите се обединети на еден флаер, кој заедно со промотивниот материјал за дестинацијата, ќе биде достапен за сите посетители.
Во сабота и во недела (27 и 28 август) во претпладневните часови (од 9 до 12 часот) посетителите на инфо-бирото на ТО Будва во Белград ќе бидат послужени со бесплатни приморски специјалитети (руштули и фугаца) и вкусно утринско кафе, а за најмладите е обезбеден и голем број на шарени балони кои ќе бидат поделени на локацијата.
Утринското кафе со претставниците на медиуми е планирано за сабота, 27 август, во 11 часот. Претставниците на ТО Будва во текот на нивниот престој во Белград ќе промовираат и две од најновите случувања кои ќе го обележат периодот на постсезоната – Петровачка ноќ, која ќе се одржи на 3 септември и Денот на ширунот, кој е планиран за 8 октомври.
Ни претставува задоволство да ве повикаме на утринско кафе со опоен мирис кое мора да го испиеме заедно во Белград!
