Кордон полиција ги предводеше демонстрантите на осмиот ден протести против францускиот предлог.
Неколку илјади граѓани и вечерва се собраа да ја пренесат пораката „Ултиматум- Не благодарам“.
Со македонски знамиња и со транспаренти на кои пишува „Сепак ние ќе победиме“, „Стоп за бугаризација“, „Со фашисти не преговараме“ демонстрантите се движеа од Владата, преку Министерството за правда до Собранието.
Пред присутните на протестот се обрати Филип Ѓорѓиев.
” Да им кажеме едно големо НЕ за Ултиматум со кој што треба сами да си се укинеме како нација и да го поништиме постоењето на нашиот мајчин јазик и да го загубиме идентитетот”
Тој додаде дека Владата мора да го слушне народот кој е против овој Ултиматум.
“Европско ДА само ако влеземе како Македонци кои се гордо исправени, а не како асимилирани Бугари”, изјави Ѓорѓиев.
