„Huawei“ на својата веб-страница претстави нов телефон – „Nova Y90“, кој припаѓа на средниот сегмент на пазарот. Го краси голем екран, силна батерија и „Snapdragon“ чипсет.
Предниот панел на телефонот „Huawei Nova Y90“ го покрива 6,7-инчен LCD дисплеј, со Full HD + резолуција. Поддржува стапка на освежување од 90 Hz и има селфи камера од 8 MP сместена во отвор во центарот на горниот дел.
Главната камера од 50 MP (f / 1.8) е сместена на задната страна, заедно со макро камера од 2 MP и сензор за длабочина од 2 MP. Камерите се сместени во овална испакнатост, заедно со LED блицот.
Новиот „Y90“ се напојува со батерија од 5.000 mAh, со поддршка за „SuperCharge“ од 40 W, а компанијата тврди дека телефонот може да се наполни до 50% за 30 минути.
Во софтверското поле, уредот користи „EMUI 12“, но не се споменува на која верзија на „Andоrid“ се базира. Поддржан е дистрибуиран датотечен систем преку „Huawei Computer Manager“.
„Huawei Nova Y90“ има само една варијанта, со 8GB RAM и 128GB простор, а се напојува од чипсетот „Snapdragon 680“ во „LTE“ варијантата.
„Huawei“ не ја објави цената и достапноста на телефонот кој ќе биде достапен во опциите „Crystal Blue“, „Pearl White“, „Emerald Green“ и „Midnight Black“.
