среда, 28 септември 2022
ПочетнаЕКОНОМИЈАМАКЕДОНИЈАМакедонија, Црна Гора и Бугарија му забранија прелетување со авион на рускиот...

Македонија, Црна Гора и Бугарија му забранија прелетување со авион на рускиот министер Лавров

Црна Гора, Северна Македонија и Бугарија денеска го забранија прелетувањето на авионот со кој министерот за надворешни работи на Русија, Сергеј Лавров треба да пристигне во официјална посета на Белград, пишува Belgrade News.

Претходно денеска, премиерката Ана Брнабиќ изјави дека ситуацијата во врска со пристигнувањето на Лавров во Белград е „исклучително комплицирана“ и дека српскиот претседател Александар Вучиќ се занимава со логистиката на неговото патување, велејќи пред неколку дена дека ситуацијата во врска со доаѓањето на Лавров е „комплицирана“.

„Навистина е неверојатно ситуацијата во Европа и во светот да е таква што претседателот на една земја треба да се занимава со такви работи, како што е логистиката на патувањето на министерот за надворешни работи, што одредува дали тој ќе дојде или не“, рече Брнабиќ за Пинк ТВ и додаде дека имало проблеми со „прелетување“.

Новата ситуација околу доаѓањето на Лавров ќе биде една од темите на утрешниот разговор меѓу претседателот Вучиќ и рускиот амбасадор Александар Боцан-Харченко во 10 часот во зградата на Претседателството, пишува Новости.

НАЈНОВИ ВЕСТИ

ХОРОСКОП