Панорамата на Менхетен доби уште едно обележје – кулата Steinway, која има сооднос висина-широчина од 24:1, што го прави „најтенкиот“ облакодер во светот.
Новиот облакодер е висок 435 метри, што исто така го прави еден од највисоките на западната хемисфера, веднаш зад Светскиот трговски центар 1 (541 метар) и кулата Централ Парк (472 метри).
Меѓу 84-те ката на новиот облакодер, меѓу другото, има и 60 луксузни апартмани, чии цени се движат од 7,75 милиони долари за гарсоњера до 66 милиони за пентхаус.
Првите пет ката се резервирани за продажни единици на луксузни брендови, но и простори за рекреација, вклучувајќи олимписки базен, фитнес центар и простор со штандови.
Зградата ја дизајнираше њујоршката архитектонска фирма SHOP Architects, а градежните работи ги изведоа JDS Development, Property Markets Group и Spruce Capital Partners.
Изградбата на „најтенкиот“ облакодер на планетата започна во 2013 година.