Европа доживува едно од најголемите зголемувања на увозот на оружје пред Русија да влезе во војна со Украина, а континентот се очекува да ги зајакне своите одбранбени капацитети во следната деценија, се вели во новиот извештај цитиран од „Bloomberg“.
Студијата на „Stockholm International Peace Research Institute (SIPRI)“ покажува дека увозот на оружје од европските земји во периодот 2017-2021 година се зголемил за 19 отсто во споредба со претходните пет години. Европските земји учествуваа со 13% од глобалните зделки за оружје во овој период, што е повеќе од 10% во претходните пет години, се вели во извештајот.
Најголеми купувачи на оружје во Европа биле Британија, Норвешка и Холандија, покажуваат податоците. Увозот во регионот е на пат да се забрза, бидејќи другите европски земји неодамна направија големи нарачки за ново оружје, особено американски борбени авиони, се вели во извештајот.
„Тешкото влошување на односите меѓу повеќето европски земји и Русија е важен двигател на растот на увозот на оружје во Европа, особено за земјите кои не можат да ги исполнат сите нивни барања преку нивните национални индустрии за оружје“, рече Питер Веземан, висок истражувач во програма за пренос на оружје во „SIPRI“.
Европа ја зајакнува својата одбранбена позиција во услови на зголемени изгледи за конфликт со Русија, откако претседателот Владимир Путин им нареди на неговите војници да влезат во Украина на 24-ти февруари. Нападот ја поттикна Германија да планира огромно подобрување во својата одбрана во историска политичка промена, а Данска и Шведска сега имаат амбиции да ја исполнат целта за трошоците за одбраната, која НАТО ја постави за своите членки.
Украина, која има свој сектор за производство на оружје, исто така купила оружје од странство во петте години до 2021-ва година. Чешката Република беше главен снабдувач на оружје на Украина, со 41% од увозот, а по неа се САД со 31%.
Трошоците за одбрана како дел од БДП (податоци за 2020-та година)
Загриженост за Кина
Уделот на САД во меѓународниот извоз на оружје се зголеми на 39% во последниве години, додека оној на Русија и Кина падна на 19% и 4,6%, соодветно. Меѓу регионите увозници, Азија и Океанија се најголемите купувачи на големи оружја, добивајќи 43% од глобалните трансфери од 2017-та година.
„Тензиите меѓу Кина и многу земји во Азија и Океанија се главен двигател на увозот на оружје во регионот“, рече Сајмон Веземан, друг истражувач на „SIPRI“.
„Овие тензии се исто така главен фактор за трансферот на оружје од САД во регионот“, рече тој.
Индија беше најголемиот увозник на оружје за периодот 2017-2021. Пет други земји, вклучувајќи ги Австралија, Кина, Јужна Кореја, Пакистан и Јапонија, се меѓу првите 10 купувачи на оружје.
Глобалниот удел на големиот извоз на оружје од големите извозници
Извештајот, исто така, покажува дека меѓународниот трансфер на големо оружје во светот е намален за 4,6% во 2017-2021 година во споредба со претходниот петгодишен период.
Увозот на оружје од Русија во Индија падна за 47%, иако таа и понатаму е главен купувач на оружје од Москва.
Извозот на оружје од Велика Британија е намален за 41% во споредба со 2012-2016 година.
Увозот на оружје од Тајван се намали за 68% за пет години, но е на пат значително да се зголеми во наредните години.
