Турската Анталија станува сe попопуларна летна дестинација за богаташите ширум светот. Таа покрај сите луксузни туристички атракции има уште една неодолива и „непристојна“ понуда за нив. Станува збор за неверојатниот хотел кој веројатно подолго време нема да има конкуренција на Стариот континент.
Овој хотел претставува ориентална бајка со архитектура инспирирана од Отоманската Империја и од познатата палата Долмабахче. Секој детаљ во него е внимателно осмислен и реализиран, со што се оправдани 1,5 милијарди евра потрошени за неговата изградба. Рускиот милијардер Телман Исмаилов во овој проект вложил околу 1,5 милијарди евра, а луксузот е видлив на секој чекор и во секој детал.
Ресторан под вода, плажа со дробен порцелан наместо песок, многу злато и врвен кристал на сите страни… сето ова е само дел од она што ве очекува во овој хотел. За да се уверите во тоа, хотелот ви обезбедува виртуелана 3Д тура преку нивниот веб-сајт.
Мардан Палас има 560 соби, а цената на едно ноќевање во нив се движи од 365 до 14.600 евра. Најскапите соби се опремени со приватни базени, аудио плеери итн. Исто така, хотелот поседува и спа-центар, сопствена плажа, и сопствен базен кој важи за најголем во Европа.
Интересен податок е тоа што во изградбата на оваа палата се потрошени 2,5 тони злато, 500.000 кристали и 23.000 квадратни метри најубав италијански мермер.
Приватната плажа на хотелот е направена од 9.000 тони свиленкаст песок донесен од Египет. Огромниот базен, пак, се протега на површина од преку два хектари, а во средината се наоѓа аквариум со 2.400 риби, вклучувајќи и ајкули.
Уживајте во прекрасните фотографии…
