„Samsung“ ги врти своите погледи кон пазарот на таблети за деца, кој се уште не е доволно развиен и покрај присуството на предлози за најмладите корисници. Корејската компанија подготвува специјален модел „Galaxy Tab 3 Kids“.
Детскиот таблет на „Samsung“ ќе биде со 7-инчен екран со резолуција од 1024 × 600 пиксели. Уредот доаѓа со dual-core процесор (најверојатно ова ќе биде „Exynos 4“) од 1,2 GHz.
Се очекува конфигурацијата да вклучува RAM меморија од 1 GB и вградена флеш меморија од 8 GB со можност за проширување преку мемориски картички со капацитет до 32 GB. „Galaxy Tab 3 Kids“ ќе има жолта обвивка со портокалова заштитна гума и ќе работи на оперативниот систем „Android Jelly Bean 4.1“.
Се претпоставува дека уредот ќе излезе на пазарот со комплет од претходно инсталирани образовни програми и апликации. Се уште нема информации за датумот на издавање и цената на „Galaxy Tab3 Kids“.
