Стивен Спилберг ја продаде својата јахта долга 86 метри, за која бараше 131 милион евра

Филмскиот режисер беше сопственик на брод, кој може да се пофали со хелиодром, базен и кино, купен во 2010 година.

Seven Seas, јахта долга 282 стапки (86 метри) што му припаѓа на режисерот Стивен Спилберг, за која неодамна побара 131 милион евра, е продадена минатата недела за необјавена цена, според веб-страницата на брокерската куќа Merle Wood & Associates.

Луксузната јахта, изградена во 2010 година од Oceanco во Холандија и дизајнирана од италијанската фирма Nuvolari Lenard, може да прими до 20 гости во нејзините девет кабини, како и 28 членови на екипажот, според спецификациите на Марли Вуд of Merle Wood & Associates. Edmi​ston & Co., посредникот за јахти, помогна за продажбата на бродот, а Том Конбој од Denison Yachting го донел купувачот, според неговата веб-страница.

Според објавите, Seven Seas, сега позната како Man of Steel, неодамна е видена како крстари во близина на Антигва и Барбуда. Во текот на последната деценија, Спилберг (74) исто така беше забележан како плови по Средоземното Море покрај брегот на Франција за време на годишниот филмски фестивал во Кан.

Стивен Спилберг – кој е сега во шестата деценија на режијата и кој има освоено два Оскари за најдобра режија („Шиндлеровата листа“ и „Спасување на војникот Рајан“) – ја нарача јахтата и ова е прв пат да биде понудена на продажба. Има челичен труп и палуби од тиковина, и може да се движи со максимална брзина од 19,5 јазли (22,4 милји на час) и брзина на крстарење од 16 јазли.

Други погодности на бродот вклучуваат хелиодром, места за јадење и одмор, лифт и велнес центар со простории за масажа, сауна, парна соба и базен со палуба. Кабината на сопственикот може да се пофали со дневен престој и приватна палуба со спа центар.

Не е изненадување и тоа што на бродот има и кино, како и неколку прилагодени помали чамци, за да се стигне до брегот или за други активности.

Mansion Global не можеше да го одреди купувачот на јахтата.

Господинот Конбој одбил да коментира за тоа, а Мерли Вуд не одговори на барањата за коментар.

Претставниците на Спилберг и Edmi​ston & Co. Исто така не одговорија на барањата за коментар околу продажбата.