Британската кралица на 95 години вози „јагуар“(ФОТО)

Кралицата Елизабета Втора е забележана за прв пат откако таа ја помина ноќта во болница минатата недела.

Таа денеска била видена како вози автомобил околу нејзиниот имот во Виндзор, истиот ден кога требаше да присуствува на самитот за климатски промени COP26 во Глазгов.

Британската кралица носеше шал и темни очила додека седеше зад воланот на „јагуар“.

Лекарите ја советувале британската кралица да одмори уште две недели. За тоа време таа нема да оди во официјални посети, објави минатата недела Бакингемската палата.