Иако првично се мислеше дека инфекцијата со новиот корона вирус ги напаѓа само респираторните органи, со текот на времето се покажа дека ковид-19 е системска болест која може да предизвика сериозни последици.
Симптомите на таканаречениот долг ковид, кои траат со месеци по првичната инфекција со новиот корона вирус, се поврзани со зголемен ризик од проблеми со бубрезите, покажаа резултатите од научната студија направена во Америка.
Пациентите кои имале потешка форма на ковид-19, особено оние на кои им е потребна интензивна нега, имале дури 13 пати поголем ризик од последователно оштетување на бубрезите, дури и ако не развиле акутна бубрежна болест за време на хоспитализација.
Студија предводена од д-р Зијад Ал-Али од Универзитетот во Вашингтон во Сент Луис, и објавена во списанието на Американското здружение за нефрологија (JASN), ги анализира податоците од околу 1,7 милиони луѓе, од кои скоро 90.000 беа болни со ковид-19 и имале симптоми најмалку еден месец.
Утврдено е дека колку подолго е присутен Ковид-19, толку се поголеми шансите за развој на нови проблеми со бубрезите, дури и кај оние пациенти кои не морале да се лекуваат во болница, ниту да лежат на интензивна нега. Но, истражувањата исто така покажаа дека бубрежната инсуфициенција и дисфункција биле поизразени кај оние пациенти кои имале посериозна инфекција со новиот корона вирус.
Околу 5% – или еден од 20 пациенти со долг ковид, доживеале намалување на критичната eGFR (стапка на гломеруларна филтрација базирана на креатинин во крвта) за најмалку 30%. Пациентите со долг ковид во просек имаат 25% поголема веројатност од оние што не се заразени со новиот коронавирус да го намалат овој индекс за 30%.
EGFR нормално се намалува со возраста (околу 1% годишно), но долгиот ковид може да го влоши и забрза овој процес.
Студијата, исто така покажа дека пациентите со „Ковид-19“ имаат речиси двојно поголема веројатност да развијат акутно оштетување на бубрезите, при што бубрезите одеднаш ја губат функцијата, што може да предизвика разни симптоми, како што се оток на нозете, замор и отежнато дишење.
Пациентите хоспитализирани со „Ковид-19“ имаа пет до осум пати поголем ризик од акутна бубрежна инсуфициенција од оние кои не се разболеле од „ковид-19“, а ризикот од акутно бубрежно оштетување беше околу 30% поголем за оние кои биле третирани од „ковид-19“ во амбулантски услови.
Пациентите кои имале поблага форма на ковид-19, исто така, имале помали шанси да развијат проблеми со бубрезите, а ризикот бил малку поголем за оние кои страдале од болеста со недели.
