Неодамна, имаше извештаи дека „Apple“ може да го одложи објавувањето на паметните часовници „Watch Series 7“ поради проблеми со производството. Сега „DigiTimes“ известува дека слична судбина може да го снајде долгоочекуваното освежување на „MacBook Pro“.
Според наводите, причината за ова потенцијално одложување на лаптопот „MacBook Pro“ е недостатокот на чипови.
„Сегашниот недостаток на чипови може да предизвика претстојните лаптопи „MacBook Pro“ со мини-„LED“ осветлување да се одложат за октомври, па дури и ноември, наместо да се појавуваат како и обично во септември“, според извори од индустријата.
„Apple“ планира да претстави два освежени „MacBook Pro“ лаптопи во оваа есен. Уредите ќе се нудат во големини од 14 и 16 инчи, и ќе се напојуваат со чипсет „M1X“. Во моментов нема официјални информации од „Apple“ кога ќе бидат претставени лаптопите, а гласините споменуваат дека компанијата ќе одржи неколку настани во текот на септември.
Се очекува „Apple“ да објави повеќе детали за залихите на чипови и планира наскоро да објави ажурирана линија на лаптопите „MacBook Pro“.
