Министерот за здравство Венко Филипче информира дека вакцинираните лица од земјава можат да патуваат каде сакаат, приложувајќи ги ковид пасошите и сертификатите, откако Македонија беше ставена на црвената листа на ЕУ.
Министерот образложи дека само вакцинирани луѓе во европските земји може да влегуваат на настани или во угостителски објекти. Секаде како критериум се бара вакцинацијата, а при патување не е потребен карантин за вакцинираните граѓани и на овој начин е обезбеден полесен и побезбеден живот.