Денеска топло време со температура до 39 степени, од среда пороен дожд и грмежи

Времето денеска ќе биде сончево и многу топло со мала локална облачност. Ќе дува слаб до умерен ветер од јужен правец. Минималната температура ќе биде во итнтервал од 11 до 21, а максималната од 32 до 39 степени, информираат од УХМР.

Во Скопје сончево време со слаб јужен ветер. Минималната температура ќе биде 19, а максималната ќе достигне 38 степени.

До среда ќе се задржи многу топло време. Дестабилизација со локален пороен дожд и грмежи се очекува во среда попладне, кога ќе дува умерен до засилен северен ветер. Дневната температура од четврток ќе се намали за неколку степени.