Директорот на Институтот за меѓународни финансии Чарлс Далара предупреди дека Кипар претставува поголема опасност за еврозоната дури и од Грција, Шпанија и Италија.
Тој ги повика Европејците да не ги потценуваат проблемите со кои се соочува островската држава, пишува весникот „Филелефтерос“.
Далара изрази загриженост поради, како што рече, влошувањето на односите меѓу Кипар и неговите европски партнери.
– Изминатите денови во Европа се повеќе се слушаат гласини, кои предупредуваат дека проблемот со Кипар може да доведе до уривање на монетарната унија, пишува „Филелефтерос“.
