Советот на општина Охрид донесе одлука во текот на оваа туристичка сезона, туристите од Србија и Турција кои летуваат во тој град, да бидат ослободени да плаќаат за паркирање, пренесува МИА.
Ова веќе го објави градоначалникот на Охрид, Константин Георгиески, при неговата неодамнешна посета на Белград, во знак на благодарност до Србија за донациите на вакцини против коронавирус во Северна Македонија.
Според одлуката, сите туристи кои ќе дојдат во Охрид со регистарски ознаки од Србија и Турција нема да плаќаат за паркирање.
Претходно беше најавено дека туристите од Србија ќе имаат бесплатен влез во културно-историските места и објекти во Охрид.
