Претпладне времето ќе биде сончево со мала до умерена облачност. Попладне на повеќе места и особено во источните делови ќе е нестабилно со пороен дожд, грмежи и засилен ветер, а локално процесите ќе бидат поинтензивни. Долж Повардарието ќе засилува северен ветер.
Минималната температура ќе биде во интервал од 11 до 19, а максималната ќе достигне од 24 до 34 степени.
Во Скопје, сончево со мала до умерена облачност. Попладне ќе има услови за појава на краткотрајна нестабилност. Ќе дува слаб до умерен северен ветер кој повремено ќе засилува. Минималната температура ќе се спушти до 15, а максималната ќе достигне до 31 степен.
Во следните денови во претпладневните часови времето ќе биде сончево со мала до умерена облачност. Во попладневните часови на места ќе биде нестабилно со пороен дожд, грмежи, засилен ветер и појава на град, понекаде и во вид на невреме. Температурите ќе се покачат, а особено топло ќе биде од почетокот на следната недела кога претежно на југоистокот ќе надминуваат 35 степени.
