Метју Пери го продаде раскошниот пентхаус во Лос Анџелес

По многуте намалувања на цената, актерот Метју Пери, конечно, го продаде својот раскошен пентхаус за 21,6 милион долари.

Продажбата на резиденцијата, наречена палата на небото, претставува најскапа продажба на апартман во јужна Калифорнија во последните шест години, наведува „Лос Анџелес тајмс“.

Преземајќи го целиот 40. кат на високиот станбен комплекс Century Tower во Лос Анџелес, импресивниот имот може да се пофали со четири спални соби, шест бањи и, секако, неспоредлив поглед кон градот.

Од дневната соба до бањата – секој сантиметар од апартманот има неверојатен видик.