29 март, 2024
ПочетнаКОРОНАФилипче предлага полицискиот час да остане до 15 јуни

Филипче предлага полицискиот час да остане до 15 јуни

Министерот за здравство, Венко Филипче, по предлог на Комисијата за заразни болести денеска на Главниот кризен штаб му предложи полицискиот час и мерките да останат да важат до 15 јуни, на територија на цела држава.

Министерот образложи дека овој предлог на Комисијата е за да се ограничи дополнително групирање во доцните часови.

Од Министерството за здравство наведуваат дека епидемиолошката состојба во државата е стабилна, бројот на активни случаи се намалува, а драстично е намален и бројот на хоспитализирани пациенти во ковид-центрите на територија на цела држава.

На Клиниката за инфективни болести првпат од почетокот на пандемијата лекарите прегледуваат пациенти и од други инфективни патологии.

„Според последната епидемиолошка анализа, нема најава дека претстојниот период ќе има зголемување со нови случаи на заразени, како и зголемен број на хоспитализирани“, велат од МЗ.

НАЈНОВИ ВЕСТИ

ХОРОСКОП