Експертите уште еднаш предупредија да го избегнуваме користењето на стапчињата за уши.
Стапчињата за уши предизвикуваат штета со туркањето на восокот во ушниот канал и наместо да го извадат ушниот восок тие го потиснуваат уште подлабоко во каналот.
Националниот институт за здравје и нега во Велика Британија вели дека и испирањето на ушите со голем метален шприц кој со вода го чисти восокот е потенцијално штетен и дека не смее да се спроведува.
Експертите наведуваат дека ушниот канал сам се чисти, а дека вишокот восок отпаѓа, и дека површината на увото треба да се чисти единствено и исклучиво со влажен пешкир.
Рачното чистење предизвикува траума и иритација на увото, а тоа го потврди и студијата која ја спроведе Институтот.
„Совет за сите е да не ставаат ништо во ушниот канал бидејќи тој сам се чисти, а се што е пожелно е со влажен пешкир само да поминете преку површината“, се наведува во соопштението.
