Облачно со услови за дожд, од наредните денови затоплување со температури над 30 степени

Претпладне ќе биде сончево со умерена облачност, а попладне ќе има појава на локална нестабилност со врнежи од дожд. На места процесите ќе бидат поинтензивни со пороен дожд, грмежи и засилен ветер. Минималната температура ќе биде во интервал од 3 до 9, а максималната од 19 до 25 степени, инфомираат од УХМР.

Во Скопје претпладне ќе биде умерено облачно, а попладне со повремен пороен дожд и грмежи. Минималната температура ќе биде околу 9, а максималната ќе достигне до 22 степена.

Под влијание на топла воздушна маса од југ во следните денови ќе има значително затоплување со дневни температури кои на места ќе бидат и над 30 степени, велат од Управата.

Во ноќта кон недела и во недела претпладне во западните делови ќе има услови за локален дожд.