JPMorgan Chase во средата објави профит и приходи кои ги надминаа очекувањата на аналитичарите со робусни резултати од тргувањето и 5,2 милијарди долари корист од ослободување на парите кои ги издвои за кредитни загуби кои не се реализираа.
Банката во првиот квартал оствари заработка од 14,3 милијарди долари или 4,50 долари по акција, поголема од 3,10 долари за акција што ја очекуваат аналитичарите анкетирани од „Рефинитив“. Приходот од 33,12 милијарди долари ја надмина проценката од 30,52 милијарди долари, водени од трговските операции на компанијата, што генерираше околу 1,8 милијарди долари повеќе приход отколку што очекуваа аналитичарите.
Тргувањето со фиксни приходи донело приход од 5,8 милијарди долари, што претставува раст од 15%. Таа сума ги надмина проценките на аналитичарите за повеќе од 800 милиони долари. Приходите од тргување со акции се зголемиле за 47% на 3,3 милијарди долари, што е за цела милијарда долари повеќе од проценетите.
Се очекуваше JPMorgan да профитира од робусни надокнади за инвестициско банкарство. Приходите од тргување исто така се очекува да бидат ветер во грб за резултатите во тековниот квартал.
