Брендираниот скејтборд чини дури 8.250 американски долари за парче…
„Louis Vuitton“ и скејтборд е сосема неверојатна комбинација, меѓутоа модната куќа ја поддржи колекцијата на познатиот уметник и моден дизајнер Стивен Спрус, кој даде се од себе за лансирање на својата „Sprous-inspirion“ колекција.
Промоцијата се одржа во продавницата на „LV“ која се наоѓа на „SoHo Green Streat“. Во склоп на забавата и промоцијата на креациите на Спрус, „Louis Vuitton“ ја покри фасадата на „Green Streat“ продавницата на симболичен и автентичен начин на изразување на скејтбордот со флоросцентни бои, кои се наоѓаат и на даската од скејтбордот.
Јасно е дека ова е еден од најскапите скејтборди кој е некогаш направен. Скејтбордите се спакувани во куфери со логото на „Louis Vuitton“. Специјалните куфери се изработени само во три примероци, кои се продадени со скејтбордите.
