„Motorola“ ги подготвува „Moto G60“ и „Moto G20“

„Motorola“ објави голем број телефони во текот на 2021-ва година, од прифатлив премиум модел со чип „Snapdragon 870“, до неколку буџетски телефони од серијата „Moto G“. И се чини дека компанијата не планира да запре. Сега се појавија рендери за „Moto G60“, како и моделот „Moto G20“.

Првите детали за телефонот „Moto G60“ се појавија порано во текот на март, а рендерите потврдуваат дека „Motorola“ менува некои работи со овој модел кога станува збор за дизајнот. Наместо исечоците што ги видовме кај моделите „Moto G50“ и „G30“, „Moto G60“ ќе има дизајн на дупки со отвор на камера во центарот.

„Moto G60“ пристигнува во Европа со 108MP главна камера на задната страна, а тука е и ултра-широката камера од 8MP и сензор за длабочина од 2MP. На предната страна ќе има селфи камера од 32MP.

Телефонот се очекува со 6,78 инчен „FHD +“ екран и брзина на освежување од 120Hz, а ќе се напојува од батерија од 6.000mAh. Ќе биде достапна само една опција за меморија и складирање: 6 GB + 128 GB.

Се појави и фотографија од моделот „Moto G20“, а овој модел пристигнува со исечок за селфи камерата, а ќе има четири камери и сензор за отпечатоци од прстите лоцирани на задната страна.