„Samsung“ работи на проширување на своите „Galaxy Book“ серии, преку нови лаптопи со „Windows“. Претходно се појави информација дека наскоро ќе пристигнат два нови лаптопи „Galaxy Book Pro“, а спецификациите на моделите „Galaxy Book Pro“ и „Pro 360“ веќе се појавија на Интернет. Сега имаме и рендери од двата лаптопа.
Фотографиите од лаптопите ги објави Еван Блас (@evleaks). „Galaxy Book Pro“ најверојатно ќе биде наследник на ланската линија „Galaxy Ion“, а „Galaxy Book 360“ би можел да пристигне како наследник на серијата „Galaxy Book Flex“. Според „свиркачите“, двата лаптопа ќе бидат достапни во големини од 13 и 15 инчи. Покрај тоа, „Samsung“ ќе ги понуди во две опции во боја – сина и сребрена за „Galaxy Book Pro“ и „Navy“ и „Gold“ за моделот „360“.
Лаптопите ќе имаат „OLED“ дисплеј, а сега се очекува поддршка за „S-Pen“ во серијата „Galaxy Book Pro“. Се очекуваат повеќе конфигурации со 11-та генерација процесори „Intel Core i5“ и „Core i7“. Процесорите може да бидат поврзани со графички картички „Nvidia Mx450“. За „Galaxy Book Pro“ се очекуваат модели „Wi-Fi“ и „LTE“, додека „Galaxy Book Pro 360“ треба да добие варијанти за „Wi-Fi“ и „5G“. Лаптопите ќе имаат „Thunderbolt4“ порта.
Нема информации за датумот на објавување, цената и пазарите на кои ќе бидат достапни лаптопите. Тие се очекува да бидат претставени за време на настанот „Unpacked“ на „Samsung“ закажан во април.
