Во Словенија денеска штрајкуваат вработените во државниот сектор во знак на протест против мерките за штедење на Владата.
Се очекува во протестот да се вклучат околу 100.000 од вкупно 160.000 државни службеници. Нема да работат училиштата и градинките, а здравствените установи ќе примаат само итни случаи.
Ќе штрајкуваат и пожарникари, општински службеници, полицијата и царината и затоа може да се очекуваат задржувања на граничните пунктови со Хрватска.
Само 18 детски градинки и училишта соопштиле дека нема да учествуваат во штрајкот, нејасно е и учеството на лекарскиот синдикат Фидес и уште некои јавни служби.
Главна причина за штрајкот е буџетот за годинава, кој предвидува намалување на платите на државните службеници за пет отсто.
