Сладоледот „Serendipity Golden Opulence Sundae“ е најскапиот сладолед во светот, неговата цена изнесува 1000 американски долари.
Овој десерт се служи во три ресторани во Њујорк. Тој се состои од ванила од Мадагаскар, листови од 24-каратно злато (обработено злато кое може да се конзумира), цреши со марципан, златен кавијар и кандирано овошје од Париз. Сладоледот е украсен со златни бонбони и златен цвет, за кој се потребни осум часа изработка.
Сладоледот се служи во кристален пехар и златна лажичка од 18-каратно злато. Овој сладолед е запишан во Гинисовата книга на рекорди како најскап сладолед во светот.
