„LG“ развива флексибилен дисплеј за „Apple“

Извештајот од тајванскиот „DigiTimes“ сугерира дека „Apple“ ја ангажирала компанијата „LG Display“ за развој на флексибилен панел за идниот „iPhone“.

Според извори од индустријата, одделот на „LG“ одговорен за развој и производство на дисплеј панели за „Apple“ работи на прототип на овој екран. Сè уште не е потврдено дали идните модели на „iPhone“ ќе користат флексибилен екран произведен од „LG“ или компанијата од Купертино ќе ангажира други производители откако ќе се финализира дизајнот.

Извештаите од претходно сугерираат дека „Apple“ планира да го објави својот флексибилен телефон во текот на 2023-та година, а уредот треба да има поддршка за „Apple Pencil“. Ова значи дека првиот флексибилен телефон на „Apple“ може да биде објавен околу четири години по моделите на „Huawei“, „Samsung“ и „Motorola“, кои ги видовме во текот на 2019-та година.