Јапонската компанија „Синецу“ разви нова компонента за литиум-јонските батерии кои се користат во телефоните и електричните автомобили со која ќе им се овозможи да се зголеми трајноста за десет пати повеќе во однос на традиционалните.
Новиот пронајдок на јапонските научници ќе овозможи да биде продолжено користење на паметните телефони, без да бидат толку бргу приклучени на полнач. Со оваа технологија ќе биде можно значително да се намали и големината на самите батерии.
Компанијата предвидува да ги пушти во сериско производство и составните делови за акумулаторите во следните 3 до 4 години. Според авторите на пронајдокот тој ќе биде многу баран не само во Јапонија, туку и во целиот свет.
