Несреќниот млад човек се обиде да забрза, но мечката продолжи да трча по него.
Минатиот викенд, многу љубители на скијањето се упатија кон Романија во популарниот ски-центар “Predeal”, но едно скијање можеше да заврши фатално. Имено, мечка трчаше по скијачот, а луѓето кои во тоа време беа на жичарницата викаа и се обидуваа да го одвлечат вниманието од мечката. “Побрзо, побрзо! Не гледајте зад вас”, извикуваа луѓето, пренесува романски Digi24.
Несреќниот млад човек се обиде да забрза, но мечката продолжи да трча по него.
За среќа, скијачот се сети дека има ранец на грбот и успеа да го фрли со цел да ја забави мечката донекаде.
Ова, сепак, го збуни животното, кое застана покрај ранецот и започна да го кине, веројатно во потрага по храна.
