„Honor“ работи на нова линија на телефони, кои ќе имаат услуги на „Google“

Откако „Huawei“ ја продаде својата поделба „Honor“, брендот сега може самостојно да развива и да соработува со американски компании, а тука спаѓа и „Google“.

Според информациите, „Honor“ во моментов работи на нова телефонска линија во која ќе биде имплементирана „Google Services“. Инсајдерот открива дека одвојувањето од „Huawei“ значи дека „AppGallery“ ќе биде достапен за сегашните телефони на „Honor“, додека новите уреди нема да имаат лесен пристап до екосистемот „HMS“.

Следното големо издание на „Honor“ е серијата „V40“. Сепак, бидејќи овие телефони се создадени под сопственост на „Huawei“, тие ќе користат „Magic UI“ и нема да имаат пристап до „Google Mobile Services“.

Промената најверојатно ќе следи со телефоните „Honor X11“ и „Honor 40“, доколку кинеската компанија одлучи да ја задржи сегашната номенклатура.