„Motorola“ подготвува неколку интересни телефони, вклучувајќи ги „Motorola Nio“ со чип „Snapdragon 865+“, „Motorola Capri“ и од средниот опсег „Capri Plus“ со поддршка за 4G. Сега има информации за друг телефон на „Motorola“, кој работи со необјавен „Snapdragon“ чипсет.
Информациите за телефонот доаѓаат од „Technik News“, кој ги откри и кодните имиња „Nio“, „Capri“ и „Capri Plus“. Според деталите што протекоа, телефонот „Motorola Ibiza“ има ознака за моделот „XT-2137“. Тој ќе го користи мистериозниот чипсет „SM4350 Snapdragon“ со 5G поддршка. Чипсетот е под кодно име „Holi“ и сугерира дека станува збор за 5G модел во рамките на сериите „Snapdragon 4“.
„Motorola Ibiza“ се очекува со HD + резолуција и брзина на освежување од 90Hz, со „заб“ за селфи камерата на дисплејот. Може да има 4 GB RAM и 128 GB простор. Батеријата од 5.000mAh и „Android 11“ се очекуваат од самиот почеток. Три сензори за камера може да се најдат на задната страна (главен 48MP Samsung S5KGM1ST, 5MP макро и сензор за длабочина од 2MP), додека од предната страна се очекува камера од 13MP.
Коментари