Доколку сакате да го наградите своето тело со хранлива „бомба“, направете напиток кој ќе ги избрка сите болести и ќе ви го подобри расположението. Ви претставуваме рецепт за смути со скромни состојки, но со величенствено име – „Зелена божица”.
Состојки:
– 1 јаболко златен делишес
– 1 рака спанаќ
– 1 круша
– 1 лимета
– 1 стебленце целер
– ¼ свежа краставица со средна големина
– малку вода
Подготовка:
Ставете го јаболкото во блендер, а потоа додадете го спанаќот. Додадете ги крушата, лиметата, целерот, краставицата и водата и сето тоа добро изблендирајте го.
Смутито „Зелена божица“ најдобро е да се пие на празен желудник, или 30 минути пред вежбањето.
Во овој величенствен напиток, вкусниот и густ сок од круша е споен со остриот вкус на зрелата лимета, а смирен со хранливиот спанаќ и сокот од целер, освежен со свежата краставица и засладен со сокот од јаболко.
Лиметата е одличен извор на витамин Ц, таа штити од бројни болести, па така и британските морепловци во 19-от век ја користеле за превенција од скорбут, болест која настанува поради недостаток од витамин Ц во исхраната. Лиметата не е корисна само за телото – есенцијата од оваа овошка се користи и во процесот на изработка на парфеми, сретства за чистење и во ароматерапијата.
Според тантричките верувања, лиметата ги брка злите духови и на тој начин донесува позитивна енергија и го подобрува расположението.
