Не сите земји во светот имаат пристап до брз и стабилен интернет, што е причината што некои компании развиваат „lite“ верзии на нивните апликации, кои се поограничени и наменети за корисници кои живеат во региони со послаба интернет-врска. „Instagram“ сега се врати со својата нова апликација „Lite“, која е „тешка“ само 2 MB.
„Instagram“ ја откажа претходната верзија на својата апликација „lite“ претходно оваа година, а компанијата тогаш истакна дека работи на нова верзија. Се чини дека апликацијата е официјално објавена, иако во моментов е достапна само во Индија.
Верзијата на апликацијата „Instagram Lite“ работи како стандардниот „Instagram“, каде што корисниците имаат пристап до основните карактеристики како што се најавата и „Stories“. Сепак, некои нови функции се отфрлени, како што се „Reels“ и „IGTV“, и исто така нема налепници базирани на „AR“ што се користат во редовната апликација при поставување содржина во „Stories“. Освен тоа, „Instagram Lite“ сè уште е целосно функционална апликација.
Засега нема информации дали има планови за пошироко издание на „Lite“ верзијата на апликацијата во иднина.
