Еден од неприкосновените добитници на потегот на „работа од дома“ во 2020-та година е „Spotify“, но не поради сите нови албуми на Тејлор Свифт и подкасти за криминал кои создаваат зависност.
Додека платформата за стриминг ги разгледува најголемите трендови за оваа година, едно е сигурно: луѓето играат многу, навистина многу видео игри. Оваа година, корисниците емитуваа музика од своите конзоли за игри 55% повеќе од минатата година, соопштија од „Spotify“.
„Претходно беше невообичаено, но кога луѓето се свртеа кон социјалното растојание, корисниците бараа начин виртуелно да останат поврзани“, изјави Шенон Кук, директор за глобална култура и трендови во „Spotify“. „Гејмингот е она што го обезбеди тоа чувство на поврзаност додека помагаше да се пополни време во домот“, додаде Кук.
Не е изненадување што стримингот се зголеми оваа година, но „Spotify“ вели дека гледа некои неочекувани трендови.
Гејмерите се вклучија рано. Стримингот од музичките конзоли се зголеми за 47% помеѓу 6 и 9 часот наутро во споредба со претходната година. Претпочитан жанр? Најчесто рап и трап музика. Меѓу најстримуваните песни преку конзолите се „The Box“ на Роди Рич, „Blueberry Faygo“ на Лил Моси и „Gopsbumps“ на раперот Тревис Скот.
Сообраќајот на „Spotify“, насочен кон музиката на Тревис Скот, значително скокна. Раперот има договори со „McDonalds“, „PlayStation“ и „Fortnite“, а зголемувањето на публиката е огромно уште од неговиот виртуелен концерт во „Fortnite“. Платформата за стриминг тврди дека преносите се зголемија за 207% на глобално ниво помеѓу 26-ти и 30-ти април во споредба со истиот период во 2019-та година.
Во исто време, луѓето бараа музика за игри. Најпопуларните саундтракови за игри оваа година се од „Minecraft“, оригиналниот саундтрак на „Doom“ и „Death Standing“.
2020-та година беше клучна и за многу виртуелни уметници – музичари кои се претставуваат преку измислени слики, како што е бендот „Gorillaz“. Јапонската виртуелна пејачка Хатсуне Мику оваа година ужива во скок од 136% во стримовите.
Во 2018-та година, „Riot Games“, која стои зад хит играта „League of Legends“, ја создаде виртуелната поп-група „K/DA“. Имињата се намигнување на „League of Legends“ и гласовите се на вистински уметници. Оваа година, преслушувањето на песните на бендот скокна за 109% на „Spotify“.
Според Кук, игрите и музиката одат рака под рака затоа што гејмерите сакаат да слушаат додека играат. „Spotify“ продолжува да бара партнерства со компании за игри. Таа неодамна соработуваше со „League of Legends“ и продолжи да работи со „Microsoft“ и „Sony“ на „Xbox“ и „PlayStation“.
