Мостот на реката Бисер, кој ги поврзува кинеските провинции Гуангжу и Донгуан, беше затворен пред неколку дена бидејќи под силни ветрови започна да „танцува“ на ужас на многубројните возачи.
Оваа градба е долга 3,6 километри, а е изградена во 1999 година. Во просек, 150.000 возила минуваат низ мостот секој ден. Како и секој мост, тој има одредена толеранција за структурните поместувања, но овие појави мора да бидат ограничени.
Висечките мостови треба да бидат отпорни на налетите на ветер, но проблемот со овој мост се наводно страничните sидови високи 1,2 метри, што создаваат ефект на едро, пренесува ХАК.
Сообраќајот е забранет на мостот, а нема најави кога тој повторно ќе биде отворен.
Странските медиуми јавуваат дека локалните експерти утврдиле дека и покрај неверојатните движења, нема оштетувања на структурата.
Драматичната снимка што следи не е за оние со послаби нерви!
Коментари