Најелитните часовници имаат софистицирани карактеристики и барем неколку дијаманти. Едни од популарните брендови во светот се „Rolex“, „Tag Heuer“, „Omega“ и други. Но тие сепак не се најелитните меѓу љубителите на ултраскапите часовници. Видете ги топ 10 на најелитните марки на часовници во ограничени верзии:
10. „Audemars Piguet“
Компанијата е основана во 1875-та година од Жил Луи Одемар и Едвард Огуст Пиге. Овој бренд е рекламиран од Лионел Меси, Леброн Џејмс, Михаел Шумахер и Новак Ѓоковиќ.
9. „Panerai“
Тоа е италијанска компанија основана во 1860-та година. Повеќето модели се во ограничена бројка и на грбот имаат оригинален број.
8. „Vacheron Constantin“
Жан Марк Вашерон ја основал компанијата во 1755-та година што ја прави една од најстарите во индустријата. Франсоа Константин се приклучил во бизнисот во 1819-та година. Часовниците се произведуваат во Женева. Такви часовници носеле Наполеон Бонапарта, Папата Пие 11-ти, Хари Труман и други.
7. „Louis Moinet“
Луис Моине е мајстор часовничар од Франција. Правел часовници за Наполеон Бонапарта, Томас Џеферсон, рускиот цар Александар Прв и други.
6. „Blancpain“
Компанијата прави часовници од 1735-та година. Компанијата се гордее со своите модели во ограничена бројка, а секој од нив се изработува од еден часовничар. Од компанијата се заколнале дека никогаш нема да го прават часовници со кварцен механизам. Денес фирмата е дел од „Swatch group“.
5. „Jaeger LeCoultre“
Компанијата е основана во Швајцарија од Антоан ЛеКултр во 1833-та година. Тој измислил механизам, благодарение на кој немало потреба часовникот да се завитка со клучеви.
4. „Breguet“
Абрахам Луи Бреге ја основал компанијата во Париз во 1775-та година. Тој го создава и првиот рачен часовник во 1810-та година. Денес, компанијата е во сопственост на „Swatch group“.
3. „Piaget“
Основана е во 1874-та година од Жорж Едвард Пиаже. Тогаш имала седиште во мало швајцарско село. Денес таа е сопственост на швајцарската „Richemont group“.
2. „Chopard“
Во 1860-та година Луј Шопар ја основал компанијата во Женева. Компанијата се гордее со пронаоѓањето на прецизни џебни часовници и со креативни хронометри.
1. „Patek Philippe“
Основана е во 1851-та година, иако Антони Патек започнува да прави часовници уште во 1839-та година. Компанијата прва воведува функции како вечен календар, хронограф на рачни часовници и повторувач на минути.
