28 март, 2024
ПочетнаЗДРАВЈЕЛимонот и неговата лековита моќ

Лимонот и неговата лековита моќ

Лимонот се користи уште од древно време поради неговата моќ да лекува. Тој се препорачува од билкарите за намалување на крвниот притисок, исфрлување на токсините од црниот дроб, намалување на болките при артритис, против инфекции, грип, против болести во усната празнина и јазикот и т.н.

Лимонот е лек за стомакот поради неговиот лаксативен ефект. Исто така го зајакнува имунолошкиот систем. Ако имате настинка, пробајте да пиете сок од лимон. Освен тоа што ќе ви помогне во борбата против настинката, ќе го сопре и развивањето на инфекции. Тоа е така поради неговите антибактериски и антивирусни својства.

Лимонот припаѓа во групата на цитрусните овошни плодови, во која што спаѓаат и портокалот, мандарината, грејпфрутот и др. Тој е евтин, лесно достапен и повеќенаменски. Особено е корисен кога е во прашање вашето здравје. Овој жолт плод содржи не само витамин Ц, туку и други витамини (витамин Б, рибофлавин) и минерали како калиум, калциум, фосфор, магнезиум. Во составот на лимонот влегуваат и протеини и јаглехидрати.

Кората на лимонот е многу корисна, затоа што е богата со витамин П и фитоцидни материи, кои ги уништуваат микробите. Кората содржи и етерични масла кои се корисни за: нормализирање на крвниот притисок, намалување на нивото на холестерол, превенција од атеросклероза, зајакнување на имуниот систем, главоболка, гадење, исцрпеност, подобрување на помнењето и концентрацијата.

Од лимонот можете да подготвите и лимонова вода. Се што треба да направите е да ја измешате пулпата и сокот од половина лимон во топла вода и да ја испиете. Лимоновата вода ќе му помогне многу на вашиот организам. Таа дејствува како „чистач“ на крвта и ја подобрува способноста на телото да ги исфрлува отровите. Помага при проблеми со дигестивниот систем – гадење, киселини во стомакот, запек и паразити, а исто и при варењето на храната. Поради големото количество на витамин Ц, лимоновата вода се користи при лекувањето на инфекции, рани, алергии и воспаление на грлото. Лимоновата вода е диуретско средство. Тоа значи дека е многу корисна за луѓе кои имаат инфекции на мочните патишта. Исто така им помага и на луѓето со артритис или реума, затоа што ги прочистува токсините и бактериите. Сокот од лимонот помешан со вода може да биде многу полезен за бремените жени, бидејќи помага во изградувањето на коските на нероденото дете.

Секогаш купувајте лимони кои што се светло жолти и кои изгледаат свежи. Лимоните со тенка кора имаат повеќе сок, отколку лимоните со дебела.

НАЈНОВИ ВЕСТИ

ХОРОСКОП