Младиот српски актер Милош Биковиќ со својот талент ја освои Србија, регионот, но и големата Русија! Снима филм за филм, нижи успеси и ужива во славата која ја доживува. Вакво лудило за еден уметник не постоело веќе подолго време, па така Биковиќ го бараат сите уредници, модни агенции, познати брендови, но и политички партии.
“Отворено ме повикуваа од разни партии да станам нивни член. Љубезно им се заблагодарив на сите тие повици и ги одбив. Никогаш не сум доживеал притисок или непријатна ситуација поради тоа. Никој не ми се јави и ми рече: “А не сакаш?! Е, сега ќе видиш како ќе поминеш”. Јасно е во која професија сум и максимално сум посветен на неа. Верувам дека јавните личности треба да ја искористат својата слава и влијание за да посочат проблем во општеството, но дека нема потреба нужно да се занимаваат со политика”, вели актерот во интервју за порталот Информер.
