Приватниот остров Лупита во Танзанија, нуди егзотичен и луксузен одмор. Островот се наоѓа во езерото Танганика и се простира на преку 50 хектари.
Доколку одлучите својот одмор да го поминете на ова рајско место, ви предлагаме лет од Амстердам до Кенија, па потоа лет од 50 минути до аеродромот „Килиманџаро“. После тоа, ве очекува возење со глисер до ова магично место.
Лупита островот нуди многу интересни активности, како што се нуркање, сурфање, сафари, прошетка низ островот и на поблиските интересни села…
Има 13 прекрасни вили за сместување. Секоја вила ви нуди прекрасен поглед преку второто најдлабоко езеро на светот, поседува базен, хидромасажна када, надворешни тушеви…
Одлично искуство ќе имате и во ресторанот, кој се наоѓа на највисоката точка на островот, што ви овозможува прекрасен поглед, а свежите морски плодови се секако вистински специјалитет.
Нормално, за ваквиот луксуз ќе ви биде потребно поголемо количество на пари, но ваквото искуство нема цена.
