Научниците откриле ензим во мозокот на мажите кој е одговорен за нивниот сексуален нагон. Тие веруваат дека откритието може да помогне во терапијата и ревитализацијата на сексуалниот нагон.
Студија од Универзитетот “Nortwestern” откри каква улога има ензимот ароматаза кај мажите. Овој ензим го претвора хормонот тестостерон во естроген. Овие два хормони се познати како машки и женски хормони, но производството на естроген е клучно за сексуалната функционалност кај мажите.
Естрогенот му е потребен на човекот за да го подигне либидото и е клучен за еректилната функција. Без естрогенот произведен од тестостерон, мажот страда од недостаток на сексуален нагон.
Научниците открија дека ароматазата се произведува од еден ген, Cyp19a1, што отвора можност за насочување токму на тој ензим. Со успешно изолирање на генот одговорен за создавање на ароматаза, научниците се надеваат дека ќе развијат лекови кои, на пример, ќе ја намалат зависноста од секс или малото либидо кај мажите.
Улогата на ароматазата во мозокот веќе беше предмет на повеќе научни студии, а научниците досега се бореа да ја откријат улогата на овој ензим во машкиот мозок. Откритието направено во оваа студија е всушност голема работа.
“Ова е првото клучно откритие што објаснува како тестостеронот го стимулира сексуалниот нагон. За прв пат, јасно покажавме дека претворањето на тестостерон во естроген во мозокот е критично за одржување на полна сексуална активност или желба кај мажите. Ароматозата го придвижува ова”, објаснува д-р Сердар Булун од споменатиот универзитет.
Она што научниците го направија во експериментот е дека тие извадија ген што произведува ароматоза од мозокот на машки глувци, а потоа ги ставија во кафез со женски глувци. Сексуалната активност драстично опадна по тој третман, иако машките глувци имаа зголемено ниво на тестостерон.
Исто така е јасна индикација дека претворањето на тестостерон во естроген има јасен ефект врз сексуалниот нагон.
Машките глувци практично го изгубија целиот интерес за секс, вели д-р Хонг Жао, коавтор на студијата.
Импликациите од студијата покажуваат дека стекнатото знаење може да се примени не само кај мажи со недостаток на ароматаза, туку и за контрола на сексуалниот нагон.
Постоечките лекови имаат сериозни несакани ефекти, а ваквиот селективен лек ќе го елиминира проблемот.
Студијата е објавена во научното списание „Endocrinology“.
