„Massandra Sherry 1775“ е едно од најскапите вина во светот и е продадено за неверојатни 30.000 евра по шише во Лондон во 2011 година…
Ова прекрасно вино доаѓа од „Massandra“ винаријата која е позната по огромната колекција од над милион шишиња. Во истата винарија се наоѓаат вина од руските и европските берби кои носат царски печат.
Меѓу нив, „Sherry 1775“ е најстаро. Винаријата започна со производство на сопствена колекција на „Sherry“ во 20-от век.
Спектакуларно архитектонски дизајнираниот подрум, проектиран со цел да го зачува квалитетот на врвните вина, ја става оваа винарија во центарот на вниманието меѓу љубителите на Божјиот пијалок.
„Massandra“, исто така, се нарекува и ризница на древните вина. Меѓутоа, само ограничен број е пуштен во продажба, а некои од најпрестижните вина се ставени на аукција на листата на „Massandra“ винаријата.
